Opens in a new tab

शनिबार वीरगञ्जमा चुनरी यात्रा

रासस

1.3KShares

सारांश

  • विश्व हिन्दू परिषद्को आयोजनामा आगामी आइतबार वीरगञ्जमा नवरात्रका अवसरमा चुनरी यात्रा निकालिने भएको छ।
  • घटस्थापनाको दिन अपराह्न माईस्थान मन्दिर प्राङ्गणबाट सुरु हुने उक्त यात्रामा शक्तिस्वरूपा देवीका आकर्षक झाँकीहरू प्रदर्शन गरिनेछन्।
  • यात्रामा १० हजारभन्दा बढी स्थानीय महिला, भक्तजन तथा विभिन्न सामाजिक सङ्घसंस्थाको सहभागिता रहनेछ।

वीरगञ्ज । नवरात्रका अवसरमा विश्व हिन्दू परिषद्ले आगामी आइतबार चुनरी यात्रा आयोजना गर्ने भएको छ । शक्तिस्वरूपा देवीका आकर्षक झाँकीसहित आयोजना हुने यात्राको सम्पूर्ण तयारी प्रायः पूरा भएको छ ।

हिन्दू पत्रकार सङ्घका अध्यक्ष राजन रौनियारका अनुसार घटस्थापनाका दिन अपराह्न माईस्थान मन्दिर प्राङ्गणबाट यात्रा प्रारम्भ हुने र त्यसमा १० हजार स्थानीय महिला तथा भक्तजन सहभागी हुनेछन् ।

विभिन्न सामाजिक सङ्घसंस्था पनि यात्रामा सहभागी हुने जनाइएको छ ।