पछिल्लो २४ घण्टामा सबैभन्दा धेरै वर्षा लमजुङमा

नवलपुर टुडे


काठमाडौं । पछिल्लो २४ घण्टामा देशका धेरै स्थानमा पानी परेको छ । केही स्थानमा ‘भारी’ वर्षा भएको जल तथा मौसम विज्ञान विभागले जनाएको छ । शुक्रबार (साउन २९) बिहान ७ः२० बजेको मापनमा पछिल्लो २४ घण्टामा लमजुङमा सबैभन्दा बढी वर्षा भएको छ । यो अवधिमा लमजुङको गिलुङमा १७९.२ मिलिमिटर पानी परेको विभागले जनाएको छ । यो ‘धेरै भारी’ वर्षा हो ।
“पछिल्लो २४ घण्टामा सबैभन्दा धेरै वर्षा लमजुङ जिल्लाको गिलुङमा १७९.२ मिलिमिटर भएको छ । वाग्मती, गण्डकी र लुम्बिनी प्रदेशका अधिकांश ठाउँमा पानी परेको छ,” विभागले भनेको छ, “साथै, अन्य प्रदेशको पनि धेरै ठाउँमा पानी परेको छ ।” यो अवधिमा थोरै ठाउँमा धेरै भारी वर्षा भएको विभागले जनाएको छ । “वाग्मती, गण्डकी र लुम्बिनी प्रदेशका केही ठाउँमा भारी तथा थोरै ठाउँमा धेरै भारी पानी परेको छ,” विभागले भनेको छ ।
कर्णाली र सुदूरपश्चिम प्रदेशमा पनि थोरै ठाउँमा धेरै भारी पानी परेको विभागले जनाएको छ । “अझै पानी परिरहेको तथा उक्त प्रणाली पश्चिमतर्फ सरिरहेकोले कर्णाली र सुदूरपश्चिम प्रदेशमा थप पानी पर्ने सम्भावना रहेकोले विभागको पछिल्लो सूचनामा अद्यावधिक हुन अनुरोध छ,” विभागले भनेको छ ।
हाल देशभर मनसुनी वायुको प्रभाव छ । “हाल मनसुनको न्यूनचापीय रेखा पूर्वतर्फ सरदर स्थानको आसपास तथा पश्चिममा सरदर स्थानभन्दा उत्तरतर्फ नेपालको नजिक रहेको छ,” विभागले भनेको छ ।


छठको दोस्रो दिन : गुह्येश्वरीमा तयारी अन्तिम चरणमा

बाढी प्रभावित बालबालिकाको संरक्षणमा सघाउन आह्वान

एआई प्रविधिमा लगानी बढाउने र सहकार्य सुदृढ गर्ने ईयूको तयारी

मधेस प्रदेशका मुख्यमन्त्री यादवले दिए राजीनामा

पाकेको बाली समयमै भित्र्याउन हात्ती प्रभावित किसानलाई आग्रह
अरुपनि पढ्नुहोस
सबै
भारतको मणिपुरमा सवारीसाधनमाथि गोली प्रहार, चार जनाको मृत्यु

बडिमालिका संरक्षण, प्रवर्द्धन तथा पर्यटन विकास र समृद्धिको साझा प्रतिबद्धता

सामाजिक सुरक्षा प्रणालीको सुदृढीकरणमा नेपालको जोड

रामेछापको विकास र समृद्धिलाई खिम्ती–ठोसे–शिवालय जलाशययुक्त आयोजना
















