अत्यधिक गर्मी बढेसंगै कपिलवस्तुमा तीन दिन विद्यालय बिदा

कपिलवस्तु । अत्यधिक गर्मी बढेपछि कपिलवस्तु नगरपालिकाले विद्यालयमा गर्मी बिदा दिएको छ । कपिलवस्तु नगरपालिकाले एक सूचना जारी गर्दै जेठ २५ देखि २७ जेठसम्म विद्यालयमा गर्मी बिदा दिएको हो। तराईमा एक साता यता प्रचण्ड गर्मी बढेका कारण जिल्लामा जनजीवन प्रभावित हुँदै आएको छ । शनिबार र आइतबार सार्वजनिक बिदा हो ।

गर्मीका कारण विद्यालयका शिक्षण सिकाई क्रियाकलाप गर्न गाह्रो हुने तथा बालबालिकाहरूको स्वास्थ्य अवस्थामा पर्न सक्ने प्रतिकूल असरलाईमध्यनजर गर्दै बिदा दिइएको कपिलवस्तु नगरपालिकाका प्रमुख प्रशासकीय अधिकृत विनय श्रीवास्तवले नवलपरासी टुडेलाई बताए।