विश्व बैङ्कको सहयोगमा सडक निर्माण

नवलपुर टुडे

315Shares

सारांश

विश्व बैङ्कको आर्थिक सहयोगमा झापाको बिर्तामोड नगरपालिकाका वडा नं ६, ७ र ८ मा छ वटा पक्की सडक निर्माण भएका छन्।
बुट्टाबारी बजारदेखि प्याकुरेल चोकसम्म जोडिएको १२ मिटर चौडाइ र ६.२५ किलोमिटर लम्बाइको उक्त सडक ५८ करोड ८३ लाख ५९ हजार ५६५ रुपैयाँको लागतमा बनेको हो।
आरपि समता जेभीले जिम्मा लिएको यो सडक निर्माणकार्य निर्धारित समयमै सफलतापूर्वक सम्पन्न गरिएको छ।

झापा । नेपाल सहरी शासकीय तथा पूर्वाधार आयोजनामार्फत विश्व बैङ्कको आर्थिक सहयोगमा बिर्तामोड नगरपालिकाको वडा नं ६, ७ र ८ मा छ पक्की सडक निर्माण भएको छ ।

नगरको बुट्टाबारी बजारदेखि प्याकुरेल चोक जोड्ने उक्त सडकको निर्माणमा विश्व बैंकले रु ५८ करोड ८३ लाख ५९ हजार ५६५ सहयोग गरेको नगरप्रमुख पवित्रा महतरा प्रसाईँले बताइन् । सडकको लम्बाइ छ दशमलव २५ किलोमिटर र चौडाइ १२ मिटर रहेको उनले जानकारी दिइन् ।

आरपी समता जेभीले २०८० साल वैशाख २६ गते सडक निर्माणको कार्यारम्भ गरेको थियो । तोकिएकै अवधिमा निर्माण व्यवसायीले काम सम्पन्न गरेको हो । सडकको दायाँबायाँ सौर्य बत्ती जडानका लागि कोशी प्रदेश सरकारसँग पहल भइरहेको नगरप्रमुख प्रसाईँले जानकारी दिइन् ।