२५७० औँ बुद्ध जयन्तीको अवसरमा सरावलको कोलबृक्षमा बुद्ध जयन्ती बशेष कार्यक्रम

नवलपुर टुडे


पश्चिम नवलपरासी, बैशाख १८ । २५७० औँ बुद्ध जयन्तीको अवसरमा पश्चिम नवलपरासीको सरावल गाउँपालिका–२, जावामा अवस्थित कोलबृक्ष स्थलमा बुद्ध जयन्ती बशेष कार्यक्रम भएको छ । कोलबृक्ष स्थल ऐतिहासिक, धार्मिक, आयुर्वेदिक र पर्यटकीय दृष्टिकोणले निकै लामो र विशिष्ट पृष्ठभूमि रहेको छ । यो स्थान इसापूर्वको ऐतिहासिक कालखण्डसँग जोडिएको छ। यस क्षेत्रमा कोलबृक्षहरूको बगैँचा रहेको छ, जसलाई स्थानीय स्तरमा निकै श्रद्धापूर्वक हेरिन्छ।
“कोलबृक्षको संरक्षणको लागि पर्यटकीय क्षेत्रको विकास गरौं, महोत्सव, मेला तथा खेलकुद–संस्कृति कार्यक्रम सफल पारौं” भन्ने मूल नाराका साथ सरावलस्थित कोलबृक्षमा बुद्ध जयन्ती कार्यक्रम तथा बृहत् मेला सम्पन्न भएको छ ।
कार्यक्रममा प्रतिनिधि सभा सदस्य नरेन्द्र कुमार गुप्ताले यस क्षेत्रको धार्मिक तथा ऐतिहासिक महत्त्वलाई जोगाउँदै पर्यटकीय गन्तव्यको रूपमा विकास गर्न सबै सरोकारवालाहरू एकजुट हुनुपर्नेमा जोड दिनुभयो। प्रमुख अतिथि गुप्ताले कोलबृक्षको संरक्षण, धार्मिक पर्यटनको प्रवर्द्धन, स्थानीय संस्कृति र खेलकुदको विकासले यस क्षेत्रको समग्र समृद्धिमा महत्त्वपूर्ण टेवा पुग्ने विश्वास व्यक्त गर्नुभयो।
कार्यक्रममा बोल्दै सरावल गाउँपालिकाका अध्यक्ष सुखाडी प्रसाद चौधरीले स्थानीय पहिचान र धार्मिक आस्थाको जगेर्ना गर्न यस्ता कार्यक्रमहरू कोसेढुङ्गा सावित हुने बताउनुभयो । उहाँले भन्नुभयो “हाम्रो पालिकाभित्र रहेको कोलबृक्षको ऐतिहासिक तथा धार्मिक महत्त्वलाई देशव्यापी रूपमा चिनाउनु हाम्रो दायित्व हो । यसको संरक्षण र विकासका लागि स्थानीय सरकार पूर्ण रूपमा प्रतिबद्ध छ, र यस्ता मेला तथा महोत्सवले पर्यटन प्रवर्द्धनमा प्रत्यक्ष भूमिका खेल्नेछन्।”

बडिमालिका संरक्षण, प्रवर्द्धन तथा पर्यटन विकास र समृद्धिको साझा प्रतिबद्धता

सामाजिक सुरक्षा प्रणालीको सुदृढीकरणमा नेपालको जोड

रामेछापको विकास र समृद्धिलाई खिम्ती–ठोसे–शिवालय जलाशययुक्त आयोजना

सामाजिक सुरक्षा प्रणालीको सुदृढीकरणमा नेपालको जोड

अरुपनि पढ्नुहोस
सबै
सौर्य तारबार र ट्याक्टर परिचालन गर्न स्थानीयको माग

हरितगृह ग्यास उत्सर्जन कटौती गर्नुपर्नेमा महासचिव गुटेरेसको जोड

जलवायु कूटनीतिमा नेपालको तयारी थप सुदृढ बनाउनुपर्छ : परराष्ट्रमन्त्री खनाल

















