८ वटा शान्ति–सम्झौता गराएको ट्रम्पको दाबी

अमेरिका ।  अमेरिकी राष्ट्रपति डोनाल्ड ट्रम्पले भारत र पाकिस्तानबीचको द्वन्द्व न्युनीकरणमा आफैँले निभाएको ‘केन्द्रीय भूमिका’ सम्बन्धी दाबीलाई फेरि दोहोर्‍याएका छन् । न्युयोर्क सहरका नवनिर्वाचित मेयर जोहरान ममदानीसँग ह्वाइट हाउसमा भएको भेटका क्रममा राष्ट्रपति ट्रम्पले यो दाबी पुनः दोहोर्‍याएका हुन् ।

चुनावी विजयपछि पहिलो औपचारिक अन्तरक्रियाका लागि वासिङ्टन पुगेका ममदानी र राष्ट्रपति ट्रम्पबीचको भेट ओभल अफिसमा सम्पन्न भएको थियो । राष्ट्रपति ट्रम्पले बैठकलाई ‘उत्कृष्ट’ भन्दै उनीसँग कुरा गर्न ‘रमाइलो’ लागेको टिप्पणी गरे । 

ह्वाइट हाउसमा नवनिर्वाचित मेयर ममदानीको उपस्थितिबारे धैरैले चासो दिएका थिए । मेयर ममदानी फिल्म निर्माता मीरा नायर र कोलम्बिया विश्वविद्यालयका प्रख्यात प्राध्यापक महमुद ममदानीका सुपुत्र हुन् । युगान्डाको कम्पालामा जन्मिएका उनीसात वर्षको उमेरमा अमेरिकाको न्युयोर्कमा बसाइँ सरेका थिए ।