बन्धक रिहाइ सम्झौताप्रति प्रतिबद्ध छौँ : हमास

काठमाडौँ । हमासले युद्धविराम र बन्धक रिहाइ सम्झौताप्रति प्रतिबद्ध रहेको बताएको छ । तर यसका लागि इजरायल पनि सम्झौतामा उसले सहमति जनाएको कुरामा अडिग रहनुपर्ने हमासले भनेको छ । 

गाजापट्टीमा युद्ध अन्त्य गर्ने राष्ट्रपति ट्रम्पको योजना कार्यान्वयन गर्ने पहिलो चरणको भागको रूपमा २० जीवित बन्धकहरूलाई रिहा गरिरहेको कुरा हमासले पुनः दोहोर्‍याएको छ । 

इजरायलले सम्झौता अन्तर्गतका आफ्ना प्रतिबद्धताहरू पालना गर्ने र आफ्ना सबै सर्तहरूको कार्यान्वयन पूरा गर्ने अन्तर्राष्ट्रिय मध्यस्थकर्ताहरूले सुनिश्चित गर्नुपर्नेमा हमासले जोड दिएको छ । 

हमासको सैन्य शाखा, अल कसम ब्रिगेडले बन्धकहरूको पहिलो समूह रेडक्रसलाई हस्तान्तरण गरेको केही समयपछि यो विज्ञप्ति जारी गरिएको हो ।