सशस्त्र प्रहरी बलकाे ज्यादती विरुद्ध कृष्णनगर बजार बन्द
नन्द किशोर कुर्मी (लालु)


कपिलवस्तु, जेठ १० । सशस्त्र प्रहरी बलद्वारा सर्वसाधारणमाथि भईरहेकाे ज्यादती विरुद्ध जिल्लाकाे कृष्णनगर बजार बन्द रहने घाेषणा गरेकाे छ। उद्योग वाणिज्य संघ कृष्णनगरले कपिलवस्तुका विभिन्न ठाउंमा सशस्त्र प्रहरी बलद्वारा सा-साना व्यापारी, सर्वसाधारणलाई भईरहेकाे ज्यादती विरुद्ध साेमबार कृष्णनगर बजार बन्द रहने घाेषणा गरेकाे छ ।
संघका अध्यक्ष रितेश शर्माले सिमा क्षेत्रका साना व्यापारी र सर्वसाधारणले ल्याउने थाेरैमात्रका मालसमान समातेर भन्सार बुझाउने सशस्त्र प्रहरी बलकाे आतंक बढी भएकाेले स्थानीय सबै त्रासित बनेका छन त्यसैले विराेधमा उत्रिनुपर्ने बाध्यता भयाे । बैशाख १२ साेमबार कृष्णनगर बजार बन्द रहनेछ तरपनि सशस्त्र प्रहरी बलकाे रवैयामा सुधार भएन भने अनिश्चितकालीन बजार बन्दी लगायत आन्दोलनमा समेत जाने बताउनुभयो ।
विगत केही दिनदेखि सशस्त्र प्रहरी बलले भारतबाट ल्याउदै गरेका मलखाद, विहेवारिका मालसमान , साना व्यापारीका मालसमान लगायत सर्वसाधारणसमेतलाई चेकजाँच गरि मालसमान भन्सार बुझाउदै आएकाे स्थानीय व्यापारीहरु बताउँछन् । जनप्रतिनिधिकाे सुझावसमेत नजरअन्दाज गर्दै आएकाे सशस्त्र प्रहरी बलले तस्करीकाे मालसमान हाे भनी धमाधम भन्सार चलान गरेपछि हिजाे बहादुरगंजमा स्थानीयले विराेध गरेका छन । बहादुरगंजका केही व्यापारीले भारतीय मलखाद नेपालभित्र पठाउने गर्ने व्यवसाय गर्दै आएका थिए ।
अवैध मलखाद रहेकाे भन्दै सशस्त्र प्रहरी बलले भन्सार पुर्याउन लागेपछि स्थानीयले गाडीबाट मलखाद खाेसेर सरकार विरुद्ध नारावाजीसमेत गरेका थिए । किसानलाई मलखाद बिउ नदिए खेतमा कहाँबाट ल्याएर हाल्ने ? भनी सरकार र प्रशासन विरुद्ध नाराबाजी गर्दै केहीबेर चाैकमा विराेध गरेका थिए । अहिले किसानलाई मल र विउकाे आवश्यकता बढेकाले भारतीय मल बिउमा निर्भर किसान युरिया, डिएपी बहादुरगंज र महाराजगन्ज, ताैलिहवा लगायतका बजारबाट किनेर लग्ने गरेका छन ।

इन्टरनेट सेवा प्रदायकलाई दूरसञ्चार दस्तुरको हिसाब बुझाउन १० दिनको अल्टिमेटम

बाँकेमा मतदानस्थल र केन्द्र पुनरावलोकनको तयारी

अन्ततः तीन आयोजनाको ठेक्का सम्झौता तोडियो

‘ह्युमन’ बन्यो सन् २०२६ को वर्ष शब्द

आज कुष्माण्ड नवमी, पूर्णिमासम्म भगवान् विष्णुको विशेष पूजाअर्चना गरिने
अरुपनि पढ्नुहोस
सबै
इन्टरनेट सेवा प्रदायकलाई दूरसञ्चार प्राधिकरणको निर्देशन

लुम्बिनी विकास काेषका नवनियुक्त उपाध्यक्ष आनीले आज कार्यभार सम्हाल्दै

घमाइलो मौसमसँगै लुम्बिनीमा पर्यटकको घुइँचो, मायादेवी मन्दिरमा लामो लाइन

एयर रुटभन्दा नियमित उडानलाई प्राथमिकता दिनुपर्नेमा जोड
















