Opens in a new tab

पत्रकार सविना कार्की माथि हमला गर्नेमाथि छानबिन गर्न प्रेस चौतारीको माग

नवलपुर टुडे

29Shares
dida bag ad

काठमाडौं,बैशाख १४। प्रेस चौतारी नेपालले आज प्रहरी–शिक्षक झडपमा घाइते भएकी पत्रकार सविना कार्की माथि भएको घटनाको छानबिन गर्न माग गरेको छ ।

काठमाडौंको नयाँ बानेश्वरमा शिक्षकहरूको आन्दोलनको क्रममा प्रहरीसँगको झडपमा परी प्राइम टेलिभिजनकी संवाददाता सविना कार्कीको आँखामा गम्भीर चोट लागेको घटनाप्रति प्रेस चौतारी नेपाल गम्भीर ध्यानाकर्षण भएको जनाएको हो ।

आन्दोलनरत शिक्षक र प्रहरीबीच काठमाडौंको नयाँबानेश्वरमा भएको झडपको समाचार संकलन गरिरहेको अवस्थामा प्रहरीले हानेको पानीको फोहोरा आँखामा परेर पत्रकार कार्कीको दुवै आँखामा गम्भीर चोट लागे पछि प्रहरी आफैले बोकेर वीर अस्पतालको ट्रमा सेण्टर हुँदै तिलगंगा आँखा अस्पताल लगेको विवरण प्राप्त भएको जनाएको छ ।

चौतारीका महासचिव हिरामान लामाले एक प्रेस विज्ञप्ति जारी गर्दै भने, ‘नागरिक सुसूचित गराउने धर्म निर्वाह गर्न कर्मथलोमा खटिएकी श्रमजीवी पत्रकारमाथि भएको यो घटनाको प्रेस चौतारी नेपाल घोर निन्दा एवं भर्त्सना गर्दै घटनाको अनुसन्धान गरी दोषीमाथि कडा कानुनी कारबाही गर्न, घाइते पत्रकार कार्कीको उपचारको व्यवस्था मिलाउन तथा क्षतिपूर्तिका लागि जोडदार माग गर्दछ । साथै, समाचार संकलनमा खटिएका पत्रकारलाई सुरक्षाको प्रबन्ध गर्न प्रेस चौतारी राज्यसँग माग जोडदार गर्दछ ।’