विजयनगरम खानेपानीकाे बैठक : खानेपानी आयाेजना दर्ता गर्ने र पुनः सुचारुमा जाेड
धर्मेन्द्र कुमार कुर्मी


कपिलवस्तु । कपिलवस्तुकाे विजयनगर गाउँपालिकामा खानेपानीकाे अवस्थाकाे बारेमा पालिकामा सञ्चालित खानेपानी आयाेजनाका प्रतिनिधिहरु बिच छलफल गरिएको छ । खानेपानी आयाेजना, नव निर्माणाधीन खानेपानी र विविध प्राविधिक कारणले केही समय बन्द भएका आयाेजनालाई पुनः सुचारु गर्ने र नियमित गर्ने विषयमा पालिका स्तरीय बैठक गरिएको वास संयाेजक अर्जुन कुमार बेल्बासेले जानकारी दिए ।
बुधबार बसेकाे बैठकले गाउँपालिकाभित्र रहेका खानेपानी आयाेजनाहरुकाे विधान तयार पारेर गाउँपालिकामा दर्ताका लागि प्रक्रिया अगाडी बढाउने जनाएको छ । निकट भविष्यमा समितिकाे विधानकाे तयारी र विधानकाे प्रावधानका लागि १ दिने अभिमुखीकरण कार्यक्रम गर्ने निर्णय गरिएको छ । यस्तै पालिका स्तरीय सबै खानेपानी याेजनाका प्रतिनिधिहरुकाे बैठक चाैमासिक रुपमा बस्ने र प्रगति समिक्षा गर्ने आजकाे बैठकले निर्णय गरेकाे वास संयाेजक बेल्बासेले बताए ।
बैठकमा गाउँपालिका उपाध्यक्ष लक्ष्मी कुमारी चाैधरीले खानेपानी आयाेजनालाई नियमित रुपमा सञ्चालनका लागि खानेपानी आयाेजनाका प्रतिनिधिहरुले सम्बन्धित निकायमा पहल गर्नुपर्ने बताइन् । उनले खानेपानी अवस्थाकाे बारेमा नियमित बैठक बसेर समीक्षा गर्दै समस्या भएका खानेपानी आयाेजनालाई पूर्ण रूपमा सुचारु गर्नुपर्नेमा जाेड दिइन् । मर्मतसम्भारका लागि आवश्यक बजेटकाे माग गर्दै अगाडी बढ्न सबैलाई उनलेे अनुरोध समेत गरिन् ।
यस्तै गाउँपालिका प्रमुख प्रशासकीय अधिकृत शाेभाराम रिजालले दर्ता नभएका खानेपानी आयाेजनालाई छिटै दर्ता प्रक्रियामा ल्याउनुपर्नेमा जाेेड दिए । दर्ता नभएपछि आयाेजनाकाे काममा लगानी गर्न नसकिने भएकाे हुँदा खानेपानी आयाेजना सञ्चालन प्रक्रियामा समस्या सिर्जना हुने बताउँदै खानेपानी सुचारुका लागि समस्याको पहिचान गरि आवश्यक पलमा सबैले लाग्नुपर्ने उनले बताए ।
खानेपानी बैठकमा ५ का वडा अध्यक्ष अनवर माेहम्मद मुसलमान खानेपानी आयाेजनाका प्रतिनिधिहरुकाे सहभागीता थियोे ।

जग्गाको कित्ताकाट खुलासँगै घरजग्गा कारोबार चलायमान हुने अपेक्षा

प्रसूति भएपछि घर फर्किएकी खीनाको स्वास्थ्यमा अचानक समस्या, हेलिकप्टरमार्फत उद्वार

पाँच युरोपेली देशले रुवान्डामा आप्रवासी निष्कासन केन्द्र खोल्ने

न्यूनतम ज्याला बढाउन बङ्गलादेशका गार्मेन्ट कामदारको प्रदर्शन

तातोपानी नाका नखुल्दा व्यवसायीको चिन्ता
अरुपनि पढ्नुहोस
सबै
अन्तर्राष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ को आह्वान

पहिलो चौमासिकमा २३ प्रतिशत बजेट खर्च

चीन र क्यानडाबिच व्यापार सम्झौता विस्तार, ४० करोड क्यानेडियन डलरका वस्तुमा भन्सार छुट

जापानी हवाई क्षेत्रमा रुसी विमान प्रवेश, लडाकू जेट परिचालन
















