कोसी ब्यारेजमा पुशी पूर्णिमा मेलाको रौनक

सुनसरी । सुनसरी सप्तकोशी ब्यारेज नदी किनारमै खानपिन गरी रमाइलो गरेर हरेक वर्ष मनाइने कोसी पुशी पूर्णिमा मेला यस वर्ष पनि सोमबार सुनसरी र सप्तरी संग जोडिने कोशी पुलमा पुसि पूर्णीमाको मेला लागेको छ कोशी र मधेस प्रदेश सिमा समेत रहेको कोशी ब्यारेज पुलमा आज सोमबार पुसि पूर्णीमाको मेला लागेको छ।

वर्षदेखि ठुलो मेलाको रुपमा लागदै आएको मेला यस वर्ष पनि लाग्ने मेला समितिले जनाएको हो। समितिका अनुसार सप्तकोशी किनारमा खानपिन गरी रमाइलो गरिने कोशी ब्यारेज मेला धुमधाम साथ लाग्ने बताएका छन् कोशी ब्यारेजको दुवै छेउमा मेला बिहानै देखि सुरु भएको तथा भक्तजनको ठूलो भीड लागने उनीहरू अनुमान रहेका छन् । मेलामा विभिन्न ठाउँहरुबाट भक्तजन आउने मेला समितिले जानकारी दिएको हो।, सो मेलामा नेपालको चार जिल्ला सुनसरी, मोरङ, उदायपुर, सप्तरी तथा भारतको बिहार राज्यबाट समेत गरि सवारीसाधन सहज रुपमा पुग्न सक्ने ब्यारेज बाहेक चारपांग्रे गाडीको असहजता भएका स्थानहरुमा बयलगाडा, मोटरसाइकल, रिक्सा, साइकल सहितका अन्य सवारीसाधनबाट मेला भर्न तथा कोशी स्नानका लागि आउनेहरुको दिनभरी नै घुइँचो हुने छ।

कृषि मेलाको रुपमा समेत चिनिने यस मेलामा कृषि औजारका साथै घरेलु प्रयोजनमा प्रयोग हुने हस्त निर्मित सामग्रीहरुको खरिद बिक्री अत्यधिक हुने गरेको छ। पुस महिनाको शुक्ल पूर्णिमाका दिन कोसी स्नान गरे पापबाट मुक्ति पाउने तथा गंगास्नान गरेसरह हुने जनविश्वास रहेको छ। यस दिन बिहानै कोसी नदीमा नुहाएर मिठोचाखो खाने चलन छ। मेलामा भुजा, च्यूरा, पुरी, तरकारी, जेरी सहितका मिठाई खाने प्रचलन छ।कोसी नदीलाई कौशिका माताको रुपमा पूजा गर्ने चलन अनुसार यस दिन कोसीमा नुहाएर मात्र खानेकुरा खाए हरेक इच्छा पूरा हुने धार्मिक विश्वास रहेको स्थानीय बूढापाकाहरु बताउँछन्।