तिलोत्तमाको ड्राईभरटोलमा मोटरसाइकल अनियन्त्रित भई दुर्घटना हुँदा एक युवकको मृत्यु

बुटवल, जेठ १२ । रुपन्देहीको तिलोत्तमा नगरपालिका वडा नं ४ ड्राईभरटोलमा गएराती मोटरसाईकल दुर्घटना हुँदा एक युवकको मृत्यु भएको छ ।

मृत्यु हुनेमा तिलोत्तमा नगरपालिका वडा नं ६ निवासी २४ बर्षिय बिवेक डुम्रे रहेको प्रहरीले जनाएको छ । डुम्रेले चलाएको लु ३१ प १६४२ नम्बरको मोटरसाईकल गएराती १०ः३० बजे अनियन्त्रीत भई पल्टिँदा उनी गम्भिर घाईते भएका थिए ।

गम्भिर घाईते भएका उनको उपचारको क्रममा लुम्विनी प्रादेशिक अस्पतालमा मृत्यु भएको प्रहरीले जनाएको छ ।