कपिलवस्तुबाट काठमाडौँ जाँदै गरेको बस  त्रिशुली नदीमा खस्यो, १३ जनाको उद्धार

काठमाडौँ, फागुन २३ । कपिलवस्तुबाट काठमाडौँतर्फ जाँदै गरेको यात्रुवाहक बस त्रिशुली नदीमा खसेको छ । आज बिहान ५ बजे धादिङको घाटबेशीबाट बसको गति अनियन्त्रित भई त्रिशुली नदीमा खसेको हो । 

नदिमा खसेकामध्ये १३ जनालाई सशस्त्र प्रहरी बल नेपाल विपद् व्यवस्थापन सुरक्षा बेस आदमघाटबाट डिएसपीको कमान्डमा खटिएको १८ जनाको टोलीले जीवितै उद्धार गरी गजुरी अस्पतालतर्फ पठाएको छ । 

उक्त स्थानमा विपद् व्यवस्थापन तालिम शिक्षालय कुरिनटारबाट इन्सपेक्टरको कमान्डमा ६ जना गोताखोर सहित २० जनाको टोली खटिएको सशस्त्र प्रहरी बलका सहप्रवक्ता डिएसपी शैलेन्द्र थापाले जानकारी दिए । घटनाको विस्तृत विवरण आउन बाँकी छ ।