पश्चिम नवलपरासीका गरिब तथा विपन्न परिवारलाई न्यायो कपडा वितरण (तस्बिरहरु)
नवलपरासी, माघ ८ । जिल्ला विपद् व्यवस्थापन समिति पश्चिम नवलपरासीद्वारा गरिब तथा विपन्न बर्गका परिवारहरुलाई न्यानो कपडा वितरण गरिएको छ ।
बढ्दो चिसो तथा शीतलहरलाई मध्यनजर गरी जिल्ला विपद् व्यवस्थापन समिति, नवलपरासी पश्चिमद्वारा जिल्ला भित्रका विभिन्न बस्तीहरूका १०७ गरिब, असहाय तथा विपन्न परिवारहरूलाई न्यायो कपडा वितरण गरिएको हो ।
उक्त कार्यक्रम अन्तर्गत रामग्राम नगरपालिकाका- १५, १६ र १७, पाल्हिनन्दन गाउँपालिकाका- १,२ र ३ का विपन्न, असहाय तथा गरिबहरूलाई न्यायो कपडा वितरण गरिएका हुन ।
त्यसैगरी, प्रतापपुर गाउँपालिका- ६ स्थित मुसहर बस्तीमै पुगी जिल्ला विपद व्यवस्थापन समितिले ३६ परिवारलाई प्रति परिवार १ थानको दरले न्यायो कपडा वितरण गरिएको छ ।
सो कार्यक्रममा जिल्लास्थित सुरक्षा निकायका प्रमुख तथा प्रतिनिधिहरू, जिल्ला रेडक्रसका प्रमुख तथा प्रतिनिधिहरू, जिल्ला पत्रकार महासंघका प्रमुख तथा प्रतिनिधिहरू, वडाध्यक्षज्यूहरू, समाजसेवीहरू लगायतको उपस्थिति रहेको थियो ।
