चितवनमा गोहीको आक्रमणबाट एक जना घाइते

चितवन, पुस २६ । चितवनको खैरहनी नगरपालिकामा गोहीको आक्रमणबाट एक जना घाइते भएका छन् ।

हिजो राति करिब ८ बजेको समयमा खैरहनी नगरपालिका–११ पटिहानीका ३६ वर्षीय बसन्त दराई घर नजिकैको खोला तर्ने क्रममा अचानक गोहीले आक्रमण गरेर घाइते भएका हुन् ।

गोहीले उनको दुवै खुट्टामा टोकेको र उनको अवस्था मध्यम रहेको बागमती प्रदेश प्रहरी कार्यालय हेटौंडाले जानकारी दिएको छ ।

उनको भरतपुर अस्पतालमा उपचार भइरहेको छ ।