केन्द्रबाट हस्तक्षेप भए सरकार छाड्ने लुम्बिनी कांग्रेस सभापतिको चेतावनी

रुपन्देही । नेपाली कांग्रेस लुम्बिनी प्रदेश सभापति अमर पुनले प्रदेशमा मन्त्री थप्नेबारे केन्द्रबाट हस्तक्षेप नस्वीकार्ने बताएका छन् ।

उनले सहमतिका नाममा दबाब बढाए सरकारबाट बाहिरिने चेतावनी दिए । आइतबार र सोमबार माओवादी नेताहरूसँग मन्त्रिपरिषद् विस्तारबारे छलफल गर्न बसेको बैठक निष्कर्षविना टुंगिएको थियो । 

पुनले मंगलबार दाङमा पार्टी कार्यकर्तालाई सरकारबाट बाहिरिन सक्नेसम्मको कुरा सुनाएका हुन् । माओवादी उपमहासचिव वर्षमान पुनले यहाँ सहमति नभए केन्द्रबाट प्रयास गर्ने संकेत गरेपछि सभापति पुनले यस्तो प्रतिक्रिया दिएका हुन् ।