विद्यालय बन्दसहित आन्दोलनको कार्यक्रम अघि बढाउने शिक्षकहरूकाे चेतावनी

नवलपुर टुडे


काठमाडौँ, असोज ११ । आन्दोलनरत शिक्षकहरूले विद्यालय बन्दसहित आन्दाेलनकाे कार्यक्रम अघि बढाउने चेतावनी दिएका छन् । बुधबार दिउँसो आन्दोलनका क्रममा प्रहरीले बल प्रयोग गरेको भन्दै थप आन्दोलनका कार्यक्रम अघि बढाउने चेतावनी दिएका हुन् ।
नेपाल राहत शिक्षक केन्द्रीय समितिको नेतृत्वमा बाल विकास, पेन्सन वञ्चित, साबिक उच्च मावि, विद्यालय कर्मचारी लगायतका शिक्षक कर्मचारीहरुले आन्दोलन गरिरहेका छन् । आन्दोलनकै क्रममा बुधबार प्रहरीले लाठ्ठी चार्ज गरेको थियो । सोही क्रममा केही शिक्षक घाइते भएका छन् ।
राज्यले समस्या समाधान गर्नुको साटो प्रहरी लगाएर आन्दोलन निस्तेज पार्ने काम गरिरहेको उनीहरूको आरोप छ । समितिका अध्यक्ष खेमराज अधिकारी र महासचिव कुमार बजगाईँद्वारा जारी विज्ञप्तिमा असहज परिस्थिति सिर्जना गरिए देशभरका विद्यालय बन्द गरेर आक्रामक ढंगबाट आन्दोलनलाई अझै सशक्त बनाउने चेतावनी दिए ।
त्यस्तै पेन्सन वञ्चित शिक्षक केन्द्रीय संघर्ष समितिले समेत आन्दोलनलाई थप सशक्त बनाउने निर्णय गरेको छ । समितिले एक सर्कुलर जारी गर्दै भाेलिबाट टाउकोमा कालाेपट्टी बाधेर आन्दोलनमा सरिक हुने जनाएको छ ।
बाल विकास शिक्षकहरूले पनि आन्दोलनमाथि राज्यले दमन गर्ने नीति ल्याएको भन्दै देशभरका विद्यालय बन्द गरेर आन्दोलनलाई थप सशक्त बनाउने चेतावनी दिएको हो ।

झापाको दमकस्थित भाट–भटेनी सुपर स्टोर शनिबारदेखि पुनः सञ्चालनमा आउने

भेडा तथा बाख्रापालन व्यवसायमा आर्थिक रूपमा आत्मनिर्भर बनाउने कार्यक्रम तयारी

हरिबोधिनी एकादशीः देशभरका नारायण मन्दिरमा भक्तजनको लाम

प्यारापाइलट उत्पादन गर्न माछापुच्छ्रेमा खुल्यो प्याराग्लाइडिङ स्कुल

बोलेरो दुर्घटनामा एक महिलाको मृत्यु, ९ जना घाइते
अरुपनि पढ्नुहोस
सबै
श्रीराम जानकी विवाहपञ्चमीको तयारी तीव्र, विभिन्न उपसमिति गठन

आज पहाडमा आंशिक बादल, तराईमा हुस्सु

आजका लागि तोकियो विदेशी मुद्राको विनिमयदर

आज हरिबोधिनी एकादशी: तुलसी र भगवान् विष्णुको विवाह गरिँदै
















