Opens in a new tab

बोलेरो दुर्घटनामा एक महिलाको मृत्यु, ९ जना घाइते

नवलपुर टुडे

2.4KShares

सारांश

  • धादिङको रुबीभ्याली गाउँपालिकामा भएको बोलेरो दुर्घटनामा एक ६६ वर्षीया महिलाको घटनास्थलमै मृत्यु भएको छ।
  • लापाबाट बोराङतर्फ जाँदै गरेको उक्त गाडी उकालो सडकबाट अनियन्त्रित भई करिब ४०० मिटर तल खसेको थियो।
  • दुर्घटनामा परि घाइते भएका अन्य नौ जनाको स्थानीय मेडिकलमा उपचार भइरहेको छ।
dida bag ad

काठमाडौँ । धादिङको रुबीभ्याली गाउँपालिका–४ स्थित कलदाङमा बोलेरो गाडी दुर्घटना हुँदा एक महिलाको मृत्यु भएको छ भने नौ जना घाइते भएका छन् । दुर्घटनामा बोलेरोमा सवार १० जनामध्ये रुबीभ्याली गाउँपालिका–४ की अन्दाजी ६६ वर्षीया छेनेन तामाङको घटनास्थलमै मृत्यु भएको छ ।

गएराति १ः५५ बजे लापाबाट बोराङतर्फ जाँदै गरेको बोलेरो उकालो सडकमा अनियन्त्रित भई करिब ४०० मिटर तल खसेर दुर्घटना भएको हो । दुर्घटनामा घाइते भएका नौ जनाको स्थानीय मेडिकलमा उपचार भइरहेको छ ।

घटनाबारे थप विवरण आउन बाँकी रहेको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए ।