नेपाल-भारत म्याच हेर्न रवि लामिछाने श्रीलंका जाँदै, बालेन पनि जाने तयारी

काठमाडौं, भदौ १७ । राष्ट्रिय स्वतन्त्र पार्टीका सभापति रवि लामिछाने एसिया कपको नेपाल-भारत म्याच हेर्न श्रीलंकातर्फ लागेका छन् । नेपाल र भारतबीच भोलि समूह चरणको अन्तिम खेल हुँदैछ ।

राष्ट्रिय टीमलाई हौसला दिन उनी पत्नी निकिता पौडेल र पार्टीका सहयोगी दीपक बोहरासहित श्रीलंका जान लागेका हुन् । स्रोतका अनुसार उनीसहित तीनजनाको टोली आज श्रीलंका जान लागेको हो ।

काठमाडौं महानगरपालिकाका मेयर बालेन्द्र साह पनि श्रीलंका जाने भएका छन् । बालेन आज बेलुका उड्ने स्रोतले जनाएको छ ।