‘कोशी प्रदेश’ नाम खारेजीको माग गर्दै माइतीघर मण्डलामा प्रदर्शन (तस्बिरहरु)

काठमाडौँ, फागुन २८ । ‘कोशी प्रदेश’ नाम खारेजीको माग गर्दै काठमाडौँको माइतीघर मण्डलामा विरोध प्रदर्शन भएको छ । आइतबार दिउँसो विभिन्न संघ-संस्थाले कोशी नाम खारेज गर्न माग गर्दै प्रदर्शन गरेका हुन् ।

प्रदर्शनमा सहभागी भएकाहरुले पहिचानसहितको नाम राख्नुपर्ने माग गरेका छन् । उनीहरुले प्रदेशको नामाकरणप्रति आक्रोश पोखेका छन् । प्रदेशको नाम किराँत प्रदेश राख्नुपर्ने उनीहरुको माग छ ।

गत फागुन १७ गते प्रदेश नम्बर १ को नाम प्रदेश सभा बैठकबाट कोशी राखिएको थियो । प्रदेशको नामाकरणसँगै पहिचान पक्षधरहरु आन्दोलित भएका हुन् ।