नवराजपुरको अध्यक्ष शिवालाई बचाउन पत्रकारको नाममा केही बिचौलिया सकृय

सिराहा । बिवाहपञ्चमी मेलाको अवसरमा सरकारी गाडी दुरुपयोग गरेको भनी समाचारहरु आउँदा एक पत्रकारमाथी भौतिक आक्रमण भएको छ ।

नवराजपुर गाउँपालिकाका अध्यक्ष शिवा उर्फ शिव उदगार यादवका छोरा चन्दन यादवले ईटहर्वा मेला जादा पालिकाको प्र. ०१.००१.बा. ०३२३ नम्बरको मोटरसाइकल दुरुपयोग गरेको खबर पाए पश्चात् स्थानीय पत्रकार प्रदीप सिंहले यादवको फोटो खिचेका थिए ।

मोटरसाइकलमा सवार पालिका अध्यक्ष शिवाका छोरा र उनका साथीहरूले पत्रकार प्रदिपलाई त्यसै निहुँमा निर्घात कुटपिट गरेका छन् । पत्रकार सिंहले न्यायको लागि सरोकारवालालाई जानकारी दिईरहदा पत्रकारको नाममा केही बिचौलियाहरु सकृय भएको खबर प्राप्त भएको छ ।

पत्रकार सिंहले घटनाबारे बिस्तृत विवरण नेपाल पत्रकार महासंघ सिराहाका सभापति मनोज बनैता यादवलाई बुझाएको छ भने कानुनी प्रक्रियामा समेत अगाडि बढेको जानकारी प्राप्त भएको छ ।