नवलपुरमा म्यादी प्रहरीको विदाई (तस्बिर सहित)

कावासोती, मंसिर ८ । मंसिर ४ गते सम्पन्न आम निर्वाचन २०७९ सुरक्षार्थमा खटिएका म्यादी प्रहरीहरूलाई बिहिवार जिल्लाको कावासोतीमा एक कार्यक्रम गरि विदाई गरेको छ ।

नवलपुर जिल्ला प्रहरी कार्यालय कावासोतीमा एक कार्यक्रमका बीच निर्वाचनमा खटिएका म्यादी प्रहरीहरुलाई बिदाई गरिएको हो ।

विदाई कार्यक्रम प्रमुख जिल्ला अधिकारी सुमन घिमिरेको प्रमुख आतिथ्य र प्रहरी उपरीक्षक भुवनेश्वर तिवारीको अध्यक्षतामा सम्पन्न भएको थियो ।

कार्यक्रममा निर्वाचन स्वच्छ, निष्पक्ष, भयरहित र शान्तिपुर्ण तवरले सम्पन्न गर्न अतुलनीय भूमिका निर्वाह गरेकोमा आवश्यक धन्यवाद, कामको उच्च मुल्याङ्कन तथा उज्जवल भविष्यको कामनाका साथ प्रमाण पत्र प्रदान गरि विदाई गरेको हुन ।

त्यसै क्रममा उत्कृष्ट कार्य गर्ने प्रहरी कर्मचारी र म्यादी प्रहरीलाई नगद तथा प्रशंसा पत्रसमेत प्रदान गरिएको थियो ।