पत्रकार सरोजराज अधिकारी सुन्धारास्थित एक होटलमा मृत फेला

काठमाडौं, कात्तिक २३ । पत्रकार सरोजराज अधिकारी मृत फेला परेका छन् । अधिकारी बुधबार साँझ काठमाडौको सुन्धारास्थित एक होटलमा मृत फेला परेका हुन् ।

प्रहरीका अनुसार उनी कात्तिक २१ गतेदेखि घरबाट निस्केका थिए । घर नफर्केपछि बुधबार उनकी श्रीमतीले प्रहरीमा निवदेन दिएकी थिइन् । निवेदन परेपछि प्रहरीले उनको मोबाइल ट्र्याक गर्दै जाँदा सुन्धाराको एक होटलमा देखिएको थियो ।

उक्त होटेलमा पुग्दा अधिकारी पंखामा झुन्डिएको अवस्थामा मृत फेला परेका हुन् । उनको मृत्यु छ बजेदेखि ७ बजेभित्र भएको हुनसक्ने प्रहरीको अनुमान छ । प्रहरीले घटनाबारे थप अनुसन्धान सुरू गरेको जनाएको छ ।

कान्तिपुर, नयाँ पत्रिका, नेपाललाइभ जस्ता पत्रिकामा काम गरिसकेका अधिकारीका ‘धम्बोजी’, ‘नोरा’, ‘जासुसीको जालो’ र ‘चक्रव्यूहमा चन्द्रसूर्य’ पुस्तक प्रकाशित छन् ।