भरतपुरको औद्योगिक–२ फिडर आठ घण्टा अवरुद्ध हुने

चितवन, भदौ ७ । नेपाल विद्युत प्राधिकरण, भरतपुर वितरण केन्द्रले मंगलबार औद्योगिक–२ फिडर आठ घण्टा अवरुद्ध हुने बताएको छ ।

प्राधिकरणले आठ र नौ मिटरका पोल भएका स्थानमा ११ मिटरका पोल राख्ने र कभर्ड कण्डक्टर राख्ने कार्यका लागि औद्योगिक–२ फिडर आज बिहान ९ बजेदेखि साँझ ५ बजेसम्म सटडाउन गर्न लागिएको जनाएको छ ।

यो फिडर सटडाउन भएपछि चोकबजार, गितानगर, राधापुर, विष्णुपुर, पारसनगर क्षेत्रमा पर्ने औद्योगिक ग्राहकलाई समस्या पर्ने छ । पोल राख्ने र मर्मत गर्ने काम छिट्टै सकिए तोकिएको समयभन्दा छिटो लाइन आउने प्राधिकरणले बताइएको छ ।