गुल्मी, पाल्पा र स्याङ्जा जोड्ने तीन मुखे झोलुङ्गे पुल निर्माण सम्पन्नसँगै, आन्तरिक पर्यटकको चहलपहल

इन्द्रजित नेपाली
गुल्मी । गुल्मी पाल्पा र स्याङ्जा जिल्लालाई जोड्ने गरी कालीगण्डकी नदीमाथि तीनमुखे झोलुङ्गे पुल निर्माणको काम सकिए संगै आन्तरिक पर्यटकको चहलपहल बढ्न थालेका छन ।

तीन जिल्ला जोड्ने गरी निर्माण गरिएको झोलुङ्गे पुलले स्थानीयलाई आवातजावतमा सहजता मिलेको छ । बि.स. २०७१ साल मंसिर १५ गते तत्कालीन नेपालका मुख्य सचिब लिलामणी पौडेल र संविधान सभा सदस्य चन्द्र भण्डारीले सामुहिकरुपमा एक समारोहका बीच शिलान्यास गरि निर्माण गरिएको झण्डै ८ बर्षपछि तीनमुखे पुल निर्माणको काम सकिएको छ ।

पुल निर्माणको जिम्मा नयाँ बाटो रुबिना मना जे.भीले ९ करोड ८८ लाख २६ हजार ३ सय ३२ रुपियाँमा काम सम्पन्न गरेको हो । बर्खाको समयमा कालीगण्डकी नदीमा बढी, आर्थिक अभाव र कोरोना महामारीका कारण पुल निर्माणमा ढिलाई भएको निमार्ण कम्पनीको दावी छ । एक जिल्लाबाट अर्को जिल्लामा आवातवाजत गर्दा नदीमा डुङ्गाको साहारामा जोखिमपूर्णा यात्रा गर्नुपथ्र्यो तर पुल निर्माणले स्थानीयलाई हिडडुलमा सहजता मिलेको छ । तिनमुखे झोलुङ्गे पुललाई रातको समयमा पनि उज्यालो पार्नका लागि सोलार बत्ति जडान गरिएको छ । जसको कारण रातमा पनि पुुल झलमल्ल देखिन्छ ।

नेपालका चारधाम मध्येको एकधाम भनेर चिनिने रुरुमा पुलको निमार्ण भए संगै पुल, धार्मिक क्षेत्र अवलोकनमा आउने पर्यटकको संख्या बढ्दो छ । तीनमुखे झोलुङ्गे पुलले गुल्मीको रुरुक्षेत्र गाउँपालिका १ रिडी, पाल्पाको तानसेन नगरपालिका,१४ अर्गली र स्याङ्जाको कालीगण्डकी गाउँपालिका – १ चण्डीभञ्ज्याङ छोएको छ । कालीगण्डकी नदीको बीचमा ९ मिटर रनिङ गोलाई भएको स्तम्भ, २५ मिटर उचाईको भ्युटावर, स्तम्भबाट तीन जिल्लासम्म पुग्न तीनै तर्फ १ सय ७७ मिटर लामो पुलको निर्माण भएको छ । पुलमा अन्तिम चरणमा जाली, सोलार र भ¥याङको काम सकिएको छ ।

यो एसिया कै पहिलो र नमुना तीनमुखे झोलुङ्गे पुल हो । रुरुक्षेत्र धाम आफैमा पर्यटकिय तथा धार्मिक गन्तव्य भएकाले दैनिक पर्यटकको संख्या बढ्दो छ ।