चन्द्रागिरिमा राँगोले आतंक मच्चाएपछि गोली हानी मारियो

काठमाडौं, साउन १३ । काठमाडौंको चन्द्रागिरिमा एक राँगोलाई गोली हानी मारिएको छ ।

आज बिहान करिब साढे ७ बजे चन्द्रागिरि नगरपालिका–४ को गोदाम चौरमा आतंक मच्चाएपछि राँगोलाई एक राउण्ड गोली हानेर मारिएको हाे । प्रहरीका अनुसार बाँकेबाट ल्याइएको राँगो नियन्त्रण बाहिर गएर सर्वसाधारणलाई दु:ख दिन थालेपछि गोली हानिएको हो ।

राँगालाई नियन्त्रणमा लिने प्रयास गरिएको तर नसकेपछि मानवीय क्षति हुन सक्ने भन्दै गोली हानेर मारेको प्रहरीले जनाएको छ ।