ट्रकको ठक्करबाट पत्रकार पोख्रेलको मृत्यु

नवलपरासी । नवलपरासीमा ट्रकको ठक्करबाट संचारकर्मीको मृत्यु भएको छ । शुक्रबार मध्यान्ह १२:१० बजे रामग्राम नगरपालिका- २ सेतो पुलस्थित हुलाकी सडक खण्डमा पश्चिमबाट पुर्व तर्फ जादै गरेको सु.प.प्र. ०१-००१ ख ३४९७ नम्बरको ट्रकले सोही दिसा तर्फ जाँदै गरेको लु.प्र.०१-००९ प ९६१९ नम्बरको मोटरसाइकललाई ठक्कर दिदा मोटरसाइकल चालक पत्रकारको मृत्यु भएको मृत्यु भएको हो ।

मृत्यु हुनेमा रुपन्देही तिलोतमा नगरपालिका- १३ भलवाडी बस्ने बर्ष अन्दाजी ४०।५० का पत्रकार पोषकान्त पोख्रेल रहेको छ । दुर्घटनामा घाईते भएका पोख्रेललाई तत्काल उपचारका लागी पृथ्वी चन्द्र जिल्ला अस्पताल परासी पुर्‍याउदा १२:२० बजे अस्पतालका डाक्टरले मृत घोषणा गरेको जिल्ला प्रहरी कार्यालय नवलपरासीका सुचना अधिकारीले जनाएको छ ।

दुर्घटना स्थलबाट ट्रक चालक कञ्चनपुर जिल्ला लालझाडी गाँउपालिका- ६ बस्ने बर्ष अन्दाजी २६ को बन्धु रानासहित ट्रक र मोटरसाइकल नियन्त्रणमा लिई जिल्ला प्रहरी कार्यालय नवलपरासीमा राखि थप अनुसन्धान भैरहेको प्रहरीले जनाएको छ ।