ब्राजिलको राष्ट्रपति निर्वाचन : ५० प्रतिशत मतगणना हुँदा लुलाको अग्रता

काठमाडौं । ब्राजिलमा आइतबार भएको दोस्रो चरणको राष्ट्रपति निर्वाचनमा ५० प्रतिशत मतगणना सकिँदा वामपन्थी राष्ट्रपति लुइज इनासियो लुला डा. सिल्भाले दक्षिणपन्थी सिनेटर फ्ल्याभियो बोल्सोनारोलाई पछि पार्दै अग्रता लिएका छन् ।

लुलाको बलियो पकड रहेको उत्तरपूर्वी क्षेत्रका राज्यबाट मतगणनाको नतिजा आउन थालेपछि उनले अग्रता बनाएका हुन् ।

मतदानमा अपेक्षाभन्दा बढी सहभागिता हुँदा लुलालाई फाइदा पुगेको विश्लेषकहरूको आकलन छ । अनुसन्धान संस्था एटलासइन्टेलका प्रमुख कार्यकारी एन्ड्रे रोमानले रोयटर्ससँग कुरा गर्दै लुला पुनः निर्वाचित हुने संकेत गरेका छन् ।

ब्राजिलमा प्रारम्भिक मतगणनामा प्रायः अनुदारवादी उमेदवारले अग्रता लिने गर्छन् । तर, गरिब तथा बढी जनसंख्या भएका उत्तरपूर्वी राज्यको मतगणना अघि बढ्दै जाँदा वामपन्थी उमेदवारको स्थिति बलियो हुने गरेको छ ।

ब्रासिलियाको स्थानीय समयअनुसार राति ८ः३० बजेसम्म ५० प्रतिशत मतगणना सकिँदा सुरुआतमा अग्रता लिएका बोल्सोनारोलाई पछि पार्दै लुलाले अग्रता कायम गरेका हुन् । रोयटर्स