रुगिन स्वास्थ्य चौकीमा दशैको सार्वजनिक बिदामा आकस्मिक सेवा बाहेक अरु बन्द

बाजुरा, असोज ३० । बाजुरा जिल्ला हिमाली गाउँपालिका-५ मा रहेकोे रुगन स्वास्थ्य चौकिमा दशैको सार्वजनिक बिदामा आकस्मिक सेवा बाहेक अरु बन्द गरिएको छ ।

सेवाग्राही तथा सरोकारवालाहरुमा नेपालीहरुको महान चाड बिजया दशमी २०८३ को हार्दिक मंगलमय सुभकामना व्यक्त गरेका छन । नेपाल सरकारको बार्षिक क्यालेन्डर तथा यस हिमाली गाउँपालिकाको निर्णय अनुसार बड़ादशैंको सार्बजनिक बिदा परेकोले मिति असोज ३१ गते देखि कार्तिक ८ गते सम्म स्वास्थ्य चौकिको नियम प्रशासनिक तथा बहिरंग सेवाहरु पूर्ण रूपमा बन्द रहने जानकारी गरिएको छ ।

चाडपर्बको यस अवधिमा नागरिकको स्वास्थ्य संबेदनशीलता लाई ध्यानमा राखी आकस्मिक सेवा २४ औ घण्टा सुचारु रहने जनाएको छ । स्वास्थ्य चौकि मिति २०८३ कार्तिक ०९ गतेदेखि पुनः यथावत रूपमा नियमित सन्चालन हुने रुगिन स्वास्थ्य चौकी प्रमुख ललिजङ कार्कीले बताउनुभयो ।