काठमाडौँबाट ओखलढुंगातर्फ जाँदै गरेको बा प्र ०३–००१ ख २७७४ नम्बरको बस होटलमा खाना खान रोकेको थियो। खाना खाइसकेपछि यात्रु चढाएर ब्याक गर्ने क्रममा बस सडकबाट करिव १० मिटर तल खसेको प्रहरीले जानकारी दिएको छ।
दुर्घटनामा घाइते भएका ९ जनाको शुभजीवन अस्पताल खुर्कोट र सुनकोसी सामुदायिक अस्पताल खुर्कोटमा उपचार भइरहेको छ।
इलाका प्रहरी कार्यालय खुर्कोटबाट उद्धारका लागि तत्काल टोली खटिएको जिल्ला प्रहरी कार्यालय सिन्धुलीका प्रमुख एसपी रवीन्द्रबहादुर सिंहले जानकारी दिए।
