कुशवाहा कल्याण समाज सप्तरीको अध्यक्षमा रामनारायण विजयी

राजविराज । नेपाल कुशवाहा कल्याण समाज सप्तरीको अध्यक्षमा राम नारायण मेहता विजयी भएका छन् ।

शुक्रबार सम्पन्न पाँचौ जिल्ला अधिवेशनबाट मेहताको नेतृत्वमा २५ सदस्यीय नयाँ कार्यसमिति चयन भएको हो । अध्यक्ष पदमा राम नारायण मेहताले ५७ मत ल्याउँदा उनका निकटतम प्रतिद्वन्दी चेत नारायण मेहता ५६ मत ल्याई एक मतको झिनो मतान्तरले पराजित भएको निर्वाचन समितिका संयोजक जय प्रकाश महतोले जानकारी दिए ।

संस्थाको उपाध्यक्षमा शुभकलाल महतो, महिला उपाध्यक्षमा मुनी मेहता, सचिवमा राजाबाबु मेहता, सह सचिवमा रामशरण महतो र कोषाध्यक्षमा सूर्यनारायण महतो निर्वाचित भएका छन् ।

यस्तै १९ सदस्य मध्ये १२ जना पुरुष र ७ जना महिला निर्वाचित भएको निर्वाचन समितिले जनाकारी दिए ।

चार वर्षे कार्यकालका लागि भएको निर्वाचनमा १ सय २१ जनाले मतदान गरेका थिए ।