भोटेकोशी बाढी : १४ शव पहिचान, ८१ जनाको डीएनए सङ्कलन

चितवन। रसुवाको भोटेकोशीमा गएको बाढीपछि चितवनमा ३६४ जनाको शव फेला परेकामा १४ शवको पहिचान भएको छ। हराइरहेका व्यक्तिको पहिचानका लागि उनीहरुका ८१ जना आफन्तको डीएनए नमूना सङ्कलन गरिएको छ।

जिल्ला प्रहरी कार्यालयका प्रहरी उपरीक्षक रामेश्वर पौडेलका अनुसार हालसम्म जिल्लामा फेला परेकामध्ये अधिकांश शव पहिचान गर्न नसकिने अवस्थामा रहेकाले डीएनए परीक्षण तथा कानुनी प्रक्रियामार्फत व्यवस्थापन गरिएको हो । पहिचान खुलेका शव आवश्यक कानुनी प्रक्रिया पूरा गरी आफन्तको जिम्मा लगाइएको उनले जानकारी दिए।

हराइरहेका व्यक्तिको पहिचान खुलाउन प्रहरीले आफन्तको डिएनए नमूना सङ्कलनलाई पनि प्राथमिकता दिएको छ। डीएनए नमूना सङ्कलन गरी विधिविज्ञान प्रयोगशाला पठाइएको छ।