जनकपुरधाममा सद्भाव र्यालीकै बीच हिन्दू सम्राट सेनाको प्रदर्शन

जनकपुर, साउन १६। जनकपुरधाममा शनिबार विहान निकालिएको सद्भाव र्यालीको बीचमा हिन्दू सम्राट सेनाले विरोध प्रदर्शन गरेको छ । हिजो (शुक्रबार) बसेको सर्वपक्षीय बेठकमा भएको निर्णय अनुसार आज विहान सद्भाव निकालिएको थियो । सद्भाव र्याली पश्चात जनकचोकमा सम्बोधन कार्यक्रम जारी रहेको समय हिन्दू सम्राट सेनाका सदस्यहरुले विरोध जनाउँदै नाराबाजी गरेका छन् ।

उनीहरुले हिन्दू मार्न पाईँदैन, हिन्दू राष्ट्र कायम गर, हिन्दू विरोधी सावधान लगायतका नारा लगाउँदै विरोध जनाए । उनीहरुले आफूहरुसंग वार्ता सम्पन्न भइनसकेकाले सद्भाव र्यालीको कुनै औचित्य नरहेको बताएका छन् ।

र्यालीमा सहभागी राष्ट्रिय स्वतन्त्र पार्टीका सांसद मनिष झाले हिन्दू सम्राट सेनाका प्रतिनिधिहरुसंग तत्काल छलफल गर्ने बताउँदै उनीहरुलाई सम्हालेर साथमै लिएर छलफलका लागि गएका छन् ।

हिजो सम्पन्न सर्वपक्षीय बैठकमा पनि हिन्दू सम्राट सेनाका प्रतिनिधि अनुपस्थित थिए । आज भएको सद्भाव र्यालीमा पनि हिन्दू सम्राट सेना सहभागी भएका थिएनन् ।