जापानमा शक्तिशाली भूकम्पमा परेर १३ जनाको मृत्यु

टोकियो । जापानको दक्षिणी कुमामोतो प्रान्तमा आएको ६ दशमलव ८ म्याग्निच्युडको शक्तिशाली भूकम्पपछि कम्तीमा १३ जनाको मृत्यु भएको पुष्टि भएको छ । जापानकी प्रधानमन्त्री सानाए ताकाइचीले जापानको सार्वजनिक प्रसारक एनएचकेलाई उद्धृत गर्दै मृतकको संख्या पुष्टि गरेकी हुन् ।

प्रधानमन्त्री ताकाइचीका अनुसार हालसम्म पुष्टि भएका मृतकमध्ये केहीको मृत्यु प्रत्यक्ष रूपमा भूकम्प वा त्यसपछि आएका परकम्पसँग सम्बन्धित हो वा होइन भन्ने विषयमा अझै अनुसन्धान भइरहेको छ । बुधबार बिहान सञ्चारकर्मीसँग कुरा गर्दै उनले मृतकप्रति श्रद्धाञ्जली व्यक्त गर्दै शोकसन्तप्त परिवारजनप्रति गहिरो समवेदना प्रकट गरिन् ।