चीनमा ६० हजार टन चामल निर्यात गर्दैछ पाकिस्तान

कराँची । पाकिस्तानले आर्थिक वर्ष २०२६/२७ मा चीनका ग्वाङ्झाउ र शेनझेन प्रान्तमा ६० हजार टन चामल निर्यात गर्ने भएको छ । पाकिस्तानको राइस एक्सपोर्टर्स एसोसिएसन (आरईएपी)ले चीनका ती दुई प्रान्तसँग समझदारीपत्र (एमओयू)मा हस्ताक्षर गरेपछि यो निर्यात सम्झौता भएको हो ।

उनले चीनले पाकिस्तानी व्यापारीहरूको मकै  निर्यातका लागि दर्ता प्रक्रिया सुरु गरिसकेको जानकारी दिँदै निकट भविष्यमा पाकिस्तानबाट मकै पनि चीन निर्यात हुने दाबी गरे । आरईएपीका अनुसार कपडा उद्योगपछि चामल पाकिस्तानको दोस्रो ठुलो निर्यात क्षेत्र हो, जसबाट देशको अर्थतन्त्रमा वार्षिक करिब २ अर्ब अमेरिकी डलर योगदान पुग्ने गरेको छ । यस भ्रमणलाई पाकिस्तानको ट्रेड डेभलपमेन्ट अथोरिटी (टीडीएपी)ले सहजीकरण गरेको जनाएको छ ।