दुर्घटना

पाल्पाको छहरागैरामा टिपर दुर्घटना हुँदा चालकको मृत्यु

नवलपुर टुडे

२०८३ साउन ७ | बिहान १०:०४ बजे

पाल्पा । पाल्पामा टिपर दुर्घटना हुँदा चालकको मृत्यु भएको छ । बुधबार राति तिनाउ गाउँपालिका–३, छहरागैरामा टिपर दुर्घटना भएको हो । दुर्घटनामा तिनाउ–३, सिसुवाका ३५ वर्षीय चालक हेमबहादुर लम्तरीको मृत्यु भएको प्रहरीले जनाएको छ ।

बुटवलबाट पाल्पा सदरमुकाम तानसेनतर्फ जाँदै गरेको लु२ख १७१९ नम्बरको खाली टिपर सडकबाट करिब १२० मिटर तल खोल्सामा खसेको थियो । दुर्घटनामा चालक लम्तरी गम्भीर घाइते भएका थिए ।

प्रहरीले उनलाई उद्धार गरी उपचारका निम्ति बुटवल ल्याएको थियो । बुटवलस्थित मर्सी सिटी अस्पतालमा उपचारका क्रममा उनको मृत्यु भएको जिल्ला प्रहरी कार्यालय पाल्पाले जनाएको छ ।

कमेन्टहरु

ताजा खबरहरु

यात्रीलाई बासी खाना खुवाउने दाङ देउखुरी क्षेत्रका होटेललाई २५ हजार जरिवाना

भोटेकोसीमा गाडीसहित चालक बेपत्ता

नेकपाको नेतृत्वमा कर्णाली प्रदेश सरकार गठन हुने

यस्तो छ आजका लागि विदेशी मुद्राको विनिमयदर

छिन्नलता पुरस्कारबाट पाँच स्रष्टा पुरस्कृत

अरु समाचार पढ्नुहोस