अमेरिकी सम्झौतामा क्षेप्यास्त्र कार्यक्रम समावेश छैन : पेजेशकियन

इस्लामाबाद । इरानको क्षेप्यास्त्र कार्यक्रम अमेरिका–इरानबीच भएको समझदारीपत्र (एमओयू)को हिस्सा नभएको र भविष्यमा पनि इरानका राष्ट्रपति मसुद पेजेशकियनले नहुने बताएका छन् । मंगलबार इस्लामाबादमा आयोजित पत्रकार सम्मेलनमा बोल्दै पेजेशकियनले भने, ‘हाम्रा क्षेप्यास्त्रबारे कुनै छलफल एमओयूमा छैन, र कहिल्यै हुने पनि छैन,’ ।

इरानको क्षेप्यास्त्र कार्यक्रम राष्ट्रिय सुरक्षाका लागि अत्यावश्यक रहेको उनले जिकिर गरे । उनका अनुसार यदि इरानसँग आफ्नो रक्षा गर्न प्रयोग हुने क्षेप्यास्त्रहरू नभएको भए इजरायल र अमेरिकाले इरानलाई गम्भीर क्षति पु‍र्याइसकेका हुने थिए । पेजेशकियनले यी टिप्पणीहरू पाकिस्तान भ्रमणका क्रममा गरेका हुन् । भ्रमणका क्रममा उनले पाकिस्तानका उच्च अधिकारीहरूसँग द्विपक्षीय सम्बन्ध र क्षेत्रीय अवस्थाबारे छलफल गरेका थिए ।

सार्वजनिक गरिएको उक्त दस्तावेजमा इरानलाई आफ्नो क्षेप्यास्त्र कार्यक्रम वा व्यापक रक्षा क्षमतामा कुनै प्रतिबन्ध लगाउनुपर्ने उल्लेख छैन । दस्तावेजमा हतियारसम्बन्धी स्पष्ट रूपमा उल्लेख गरिएको एकमात्र प्रतिबद्धता भनेको इरानले आणविक हतियार नबनाउने र नखरिद्ने वाचा हो । यसअघि अमेरिकी राष्ट्रपति डोनाल्ड ट्रम्प ले इरानको क्षेप्यास्त्र कार्यक्रमलाई अमेरिकी सैन्य कारबाहीको प्रमुख कारणका रूपमा प्रस्तुत गरेका थिए। ।

तर पछिल्लो कूटनीतिक वार्ताका क्रममा उनको धारणा केही परिवर्तन भएको देखिएको छ । गत साता सम्पन्न जी–७ शिखर सम्मेलन मा ट्रम्पले समस्या क्षेप्यास्त्र होइन भन्दै इरानसँगको विवादमा मुख्य चासो आणविक कार्यक्रम रहेको संकेत दिएका थिए ।