इरान युद्धको भर्पाई गर्न ८० अर्ब डलर माग्ने तयारीमा पेन्टागन

वासिङ्टन डिसी । अमेरिकी रक्षा मन्त्रालय (पेन्टागन)ले इरानसँगको युद्ध तथा अन्य गैरसैन्य खर्चहरू व्यवस्थापन गर्न थप ८० अर्ब अमेरिकी डलर आवश्यक पर्ने जनाएको छ । द वाल स्ट्रिट जर्नलको समाचारअनुसार अमेरिकी उपरक्षा सचिव स्टेफन फाइनबर्गले यस साता सांसदहरूलाई विभागलाई उक्त रकम आवश्यक रहेको जानकारी दिएका हुन् ।

समाचारमा उल्लेख भएअनुसार अमेरिकी प्रशासनले निकट भविष्यमा संसदमा अतिरिक्त बजेटसम्बन्धी औपचारिक प्रस्ताव पेस गर्न सक्छ । उक्त प्रस्तावमा पेन्टागनका लागि मात्र नभई रक्षा बाहिरका विभिन्न सरकारी प्राथमिकताका कार्यक्रमका लागि पनि रकम समावेश हुने अपेक्षा गरिएको छ ।