अमेरिका–इरान सैन्य तनाव : तेहरानबाट फर्कियो कतारी प्रतिनिधिमण्डल

काठमाडौँ। कतारको एक कूटनीतिक प्रतिनिधिमण्डल इरानी अधिकारीहरूसँगको वार्तापछि बिहीबार तेहरानबाट फर्किएको छ । एक कूटनीतिक स्रोतलाई उद्धृत गर्दै अन्तर्राष्ट्रिय सञ्चारमाध्यम सीएनएनले समाचार लेखेको छ।

स्रोतका अनुसार उक्त वार्ता अमेरिकासँगको समन्वयमा भएको थियो। हाल पश्चिम एसियामा बढिरहेको अमेरिका–इरान सैन्य तनावबिच कूटनीतिक सम्पर्क कायम राख्ने प्रयास वार्ताको उद्देश्य रहेको बताइएको छ।अमेरिकाले इरानका विभिन्न लक्ष्यहरूमा हवाई आक्रमण गरिरहेको अवस्थामा कतारी प्रतिनिधिमण्डल तेहरानमा सहभागी थिए।