इरान र कतारबिच अमेरिका–तेहरान वार्ता मध्यस्थताबारे छलफल

काठमाडौँ । इरान र कतारका विदेश मन्त्रीहरूले अमेरिका र इरानबिच चलिरहेको कूटनीतिक वार्ता तथा मध्यस्थता प्रयासबारे फोनवार्ता गरेका छन् ।

कतारको विदेश मन्त्रालयका अनुसार इरानका विदेशमन्त्री अब्बास अराघची र कतारका विदेशमन्त्री मोहम्मद बिन अब्दुरहमान अल थानीबिच सोमबार फोनवार्ता भएको हो । सो वार्तामा अमेरिका–इरान सम्बन्ध, पशिचम एसियाको पछिल्लो तनाव र विशेष गरी लेबनानको अवस्थाबारे छलफल भएको बताइएको छ ।

यो वार्ता इजरायल र इरानबिच सैन्य तनाव तीव्र बनेको समयमै भएको हो । पछिल्ला दिनहरूमा दुवै देशबिच प्रत्यक्ष आक्रमण र प्रत्याक्रमण भइरहेको छ, जसलाई अप्रिलको युद्धविरामयता सबैभन्दा गम्भीर अवस्था मानिएको छ ।

कतार क्षेत्रीय कूटनीतिक प्रयासमा सक्रिय मध्यस्थकर्ताको भूमिकामा रहँदै आएको छ । यसअघि पनि कतारी वार्ता टोलीले मे महिनामा तेहरानको भ्रमण गरी सम्झौताको सम्भावनाबारे छलफल गरेको रिपोर्ट आएको थियो ।