थप वार्ताका लागि तेहरान पुगे पाकिस्तानी गृहमन्त्री

तेहरान । पाकिस्तानका गृहमन्त्री मोहसिन नक्वी शनिबार अमेरिकाको तर्फबाट थप कूटनीतिक वार्ताका लागि इरानको राजधानी तेहरान पुगेका छन् । इरानी अर्धसरकारी समाचार संस्था तस्निमका अनुसार भ्रमणका क्रममा नक्वीले इरानका विदेशमन्त्री अब्बास अराघचीसँग भेटवार्ता गर्ने कार्यक्रम रहेको छ ।

भेटमा क्षेत्रीय सुरक्षा अवस्था, अमेरिका–इरान सम्बन्ध तथा पछिल्ला तनावबारे छलफल हुने अपेक्षा गरिएको छ । यस्तै, अर्धसरकारी इरानी विद्यार्थी समाचार एजेन्सी (आईएसएनए)ले मोहसिन नक्वीले पाकिस्तानका सेना प्रमुख असिम मुनिरद्वारा इरानका सर्वोच्च नेता आयातोल्लाह मोज्तबा खामेनेईलाई पठाइएको पत्र पनि साथमा ल्याएको जनाएको छ ।