सशस्त्रका सई माधव घिमिरेको असुली आतंक, सहायक हवल्दार गैरे लाईन मिलाउनेमा ब्यस्त

काठमाडौ । सशस्त्र प्रहरी बल २६ नम्बर गण पश्चिम नवलपरासीमा कार्यरत सई माधव धिमेरेको असुली धन्दा सार्बजनिक भएको छ । नेपाल-भारत सीमामा पर्ने नवलपरासी जिल्लाको बिभिन्न सीमानाका हुँदै, दैनिक करौडौं तस्करी भएसंगै पछिल्लो समय सई माधव घिमिरेले साना व्यापारी र साना खुद्रा पसलबाट हप्ता र महिनावारी असुली गरेको सार्बजनिक भएको हो ।

सई घिमिरे गुल्ममा कार्यरत हुदाँदेखिनै साना साना व्यापारी र पसलबाट हप्ता र महिनावारी उठाउदै आएको तथ्य बाहिरिएको थियो । तर उनलाई कारबाही गर्नुको सत्ता गणमा तानेर प्रशासनको जिम्मेवारी दिएको छ । अझै उनलाई त स्थानीयले सशस्त्र प्रहरी बल २६ नम्बर गणका डनको समेत संज्ञा दिएका छन । महेशपुरदेखि पश्चिम तर्फका साना साना ब्यापारीसंग नाम लिष्टनै बनाएर असुली धन्दा मच्चाएको स्थानीयले आरोप लगाएका छन ।

उनी बिगतमा ७ महिना हरपुर गुल्ममा रहदा पनि २६ नम्वर गणमा कार्यरत ईस्पेक्टर केशव भट्टराईको मिलेमतोमा असुली धन्दा चलाएर आतंकनै मच्चाएका थिए । ईस्पेक्टर केशव भट्टराई भने अहिले सरुवा भएर अन्यत्र गैईसकेका छन भने सई घिमिरेले असुली धन्दालाई निरन्तरता दिएर आतंकनै मच्चाईरहेको एक पसलेले रिपोर्टिङमा गएका हाम्रो टिमलाई यसरी डिटेलसहित बुझाएका छन ।

राज किराना ३००० हजार, हरि किराना ५०००, सन्दिप भाई ५००० हजार, बिकाउ भाई ६००० हजार, उमेश किराना २५००, प्रदिप दिपक सहनी ४००० हजार, प्रभु बानियाँ ३००० हजार, छोटु कपडा ४५००, नगेन्द्र अजय ३००० हजार, गाफार किराना ३५००, कोईली सहनी/प्रमोद कपडा ३५००, नगेन्द्र स्टेशनरी २८००, राजेश जैसवाल ६००० हजार, मुकुन्द/शिव यादव ४५००, अनिल(राजन)बंगुर ७००० हजार, राज किराना ३००० हजार, सन्दिप भाई ५००० हजार, हरि किराना(विजय)५५००, राकेश सहनी रगरगंज ५५००, अजय ४००० हजार, उमेश किराना २५००, राजेश जैसवाल ६००० हजार, नगेन्द्र स्टेशनरी ३०००, बृषेन यादव किराना ३००० हजार, गरिब लाल महेन्द्र ५००० हजार , प्रभु बानियाँ ३००० हजार, प्रदिप दिपल सहनी ३००० हजार, कुखुरा प्रदिप ल ८००० हजार, गोपि, सन्तोष र जितेन्द्र कुमार १५००० हजार, गुडु मस्टर ५००० हजार, राकेश सहनी रगरगंज ५५००, प्रशुराम रगरगंज ३५००, सोनु कपडा ७००० हजार, सम्मुला किराना ४५०० हजार, सन्दिप भाई ५०००, हरि किराना ५५००, गाफार किराना ३५००, उमेश किराना २५००, शम्भु गल्ला, ६००० हजार, बृषेन यादव किराना ४००० हजार, राज किराना ३००० हजार, अनिल राजन(बंगुर)६५०० र राजेश ६००० हजार, यसरी हप्ता र महिनावारी रुपमा असुली गर्छन ।

सई माधव घिमिरेले असुलीका लागि सहज होस भनेर नोट बुकमा नाम लिष्ट, मिति, स्थान र रकमसहित उल्लेख गरि असुली गर्छन । उनले बुझिएको रकमको स्क्रिन सर्ट प्रमाण हाम्रो टिमलाई प्राप्त भएको छ । आवश्यक परे स्क्रिन सर्टनै सम्बन्धित निकायमा बुझाउने गरी हामी संग सुरक्षीत छ । घिमिरे आफै बिहान बेलुकी र कार्यालय समयमै असुली गर्न हिड्ने गरेको स्थानीय पसलका संचालकहरुले जानकारी दिएका छन ।

यस्ता असुली धन्दा चलाएका सई घिमिरेलाई हरपुर गुल्मबाट २६ नम्बर गणमा तानेर प्रशासनको जिम्मेवारी दिएर पुरुस्कृत गरेको भन्दै गणपति माथिनै प्रश्न तेर्साएका छन । अझै स्थानीयहरुले भने सशस्त्र प्रहरी जस्तो गरिमामय संगठनले पटक पटक बिबादास्पद गतिविधिमा संलग्न भएको आरोप लागेका ब्यक्तिलाई कारबाही गर्नुको सत्ता महत्त्वपूर्ण प्रशासनको जिम्मेवारी दिएको र असुली धन्दामा बढुवा दिएको आरोप लगाएका छन ।

यता गणका अधिकारीहरुका अनुसार लागुऔषध नियन्त्रणका लागि जिल्लामा घुमुवा परिचालन गरिएको भनेपनि घुमुवा सहायक हवल्दार रंजित गैरे भने, लागुऔषध कारोबारी नियन्त्रणमा नभई जिल्लाका चर्चित ठुला साना तस्करीलाई लाईन मिलाउने र असुली गर्नेमा तत्लिन छन । घुमुवा गैरे विगतदेखि तस्करीलाई लाईन दिएर असुली गर्ने एक बिबादित सहायक हवल्दार हुन । यिनै गैरेको मिलेमतो र संरक्षणमा जिल्लाका विभिन्न नाका हुदै तस्करी भैरहेका छन । जिल्लाको भुजहवा, बसहीया, झुलनीपुल, बलिनगर, बनकट्टी, भक्सिपुर, गेर्मी र हकुई लगायतका नाकाबाट बिहानदेखि दिन भर साईकल र मोटरसाइकलमा र रातिको समयमा ट्याक्टर र पिकअपबाट खुलेआम तस्करी भैरहेको स्थानीयले बताएका छन ।

ती सीमानाकाबाट बोईलर कुखुरा, बाख्रा, राँगाभैंसी, ट्याम्पर गलास, गहुँ, मटर, चिनी, तोरी, किरानाको सामान, हार्ड्वेयरका सामान, टायल, केरा, लसुन, खरभुजा र फर्सीका बियाँ, लागुऔषध, हातहतियार, गोरु, जस्ता सामानहरुको दैनिक करोडौं रुपियाँको खुलेआम तस्करी भएको छ । एक स्थानीयले भने, यति मात्र होइन, नवलपरासी देशकै तस्करीको प्रमुख केन्द्र बनेको समेत बताए ।

नेपालबाट सिधै ट्याक्टर, पिकअप र मोटरसाइकलमा भारत तस्करी हुन्छ्न भने, यसरी भारतबाट तस्करी गरी ल्याईएको अबैध सामान सिधै बुटवल, खैरेनी, सुनवल, भुमही, हरकत्ता, बासा, भुताहा र बर्दघाट पुर्‍याउने र केहीले प्रतिकुल स्थान हेरेर जिल्लाको विभिन्न ठाउँमा गोदाममा राख्ने र अन्यत्र पठाउने गरेको स्थानीयले बताए ।

यस्तै डिआईजीका घुमुवा अबिनास (पप्पु) र सहायक हवल्दार रंजित गैरे लगायतका घुमुवाहरुको काम नै तस्करीलाई लाईन मिलाउने र असुली गर्नेमा ब्यस्त हुने गरेको एक ठुला ब्यापारीले बताए । स्थानीयले मात्र नभएर व्यापारी स्वयमले सशस्त्र प्रहरीमाथि यति ठूलो आरोप लगाएका छन कि, महिनावारी बुझाएपछि राति पिकअप र ट्याक्टर, मोटरसाइकलमा खुलेआम तस्करी गराउने बताएको छ ।

जिल्लाका नाका हुँदै नेपालदेखि भारत र भारतदेखि नेपालमा सशस्त्र प्रहरीकै साथ र सहयोगमा तस्करी हुने सुचना सम्बन्धित निकायका जिल्ला, प्रदेश र केन्द्रसम्ममा सुचना पुर्‍याउदा र दिदासम्म पनि बेवास्ता गर्नु र कारबाही नगर्नुमा सशस्त्र प्रहरी संगठनले सीमानाका सुरक्षा, चोरीनिकासी, बैठारी नियन्त्रण गर्नु भन्दा तस्करी गराएर कमाउ धन्दामा ब्यस्त र मस्त रहेको स्थानीयहरुले बताएका छन ।