सुभाष साहलाई आजपा प्रवक्ताको जिम्मेवारी

काठमाडौं, ११ चैत । आम जनता पार्टी (आजपा)ले केन्द्रीय प्रवक्तामा सचिवालय सदस्य सुभाष साहलाई जिम्मेवारी तोकेको छ । पार्टीको केन्द्रीय कमिटी पुर्नगठनका साथै प्रदेश कमिटीको समेत जिम्मेवारी हेरफेर गरेको आजपाले प्रवक्तामा साहलाई जिम्मेवारी तोकेको हो ।

काठमाडौंको कमलादी स्थित नेपाल प्रज्ञा प्रतिष्ठानमा गत ७ चैतमा बसेको पार्टीको केन्द्रीय कमिटी बैठकले पार्टीलाई पुर्नगठनका साथै जिम्मेवारी हेरफेर गर्ने निर्णय गरेको थियो । सोही अनुसार विभिन्न प्रदेशको इन्चार्ज, सहइन्चार्ज, अध्यक्ष लगायतका जिम्मेवारी हेरफेर गरिएको हो ।

आजपाको प्रवक्ता तोकिएका साह दुई दशकदेखी पत्रकारितामा सक्रिय छन् । आम सञ्चार तथा पत्रकारिता बिषयमा स्नातकोत्तर (एमए)को अध्ययन गरेका साह नेपाल पत्रकार महासंघको पूर्वकेन्द्रीय सदस्य समेत हुन् ।

सञ्चार क्षेत्रमा प्रभावकारी भुमिका निर्वाह गर्दै आएका साहलाई प्रवक्ताको जिम्मेवारी दिएर पार्टीलाई थप शसक्त रुपमा अगाडी बढाउनुका साथै पार्टी बिचारलाई आम जनतामा राम्रोसंग लैजानेमा पार्टीले विश्वास गरेको छ ।