अमेरिकी सैन्य शिविर भएका खाडी मुलुकहरूमा विस्फोट, कतारले दुई इरानी मिसाइल रोक्यो

दोहा , फागुन १६। खाडी क्षेत्रमा भएका देशहरू बहराइन, आबुधाबी र कतारमा अमेरिकी सैन्य आधार नजिकै धेरै विस्फोट भएका छन् ।बहराइनको गृह मन्त्रालयले आफ्ना नागरिकलाई तत्काल नजिकको सुरक्षित स्थानमा सार्न चेतावनी दिएको छ । बहराइनमा रहेको अमेरिकी बेसमा इरानले क्षेप्यास्त्र आक्रमण गरेको इरानको अर्ध–सरकारी फोर्स समाचार एजेन्सीले समाचारमा भनेको छ ।

स्थानीय अधिकारीहरूले उक्त घटनाले गल्फ क्षेत्रमा तनाव थपिएको र क्षेत्रीय सुरक्षा अवस्थाबारे चासो बढाएको बताएका छन् ।