नेकपा कर्णाली प्रदेश सभा संसदीय दलको नेतामा शाही चयन

सुर्खेत । नेपाली कम्युनिस्ट पार्टी कर्णाली प्रदेशसभा संसदीय दलको नेतामा मंगलबहादुर शाही चयन भएका छन् ।

शनिबार बसेको संसदीय दलको बैठकले मुगुबाट निर्वाचित प्रदेशसभा सदस्य शाहीलाई दलको नेता चयन गरेको हो ।

दलको नेताका लागि प्रदेशसभा सदस्य विन्दमान विष्ट, दुर्गाबहादुर रावत र मंगलबहादुर शाहीले दाबी नछोडेपछि ध्वनि मतले बहुमतको आधारमा शाही दलको नेतामा चयन भएका हुन् । दलको नेताका लागि शुक्रबारको बैठमा रणसिंह परियार र कृष्णबहादुर जिसीको पनि पनि दाबी परेको थियो । तर शनिबारको बैठकमा परियार र जिसीले सहमतिका लागि भन्दै दाबी छोडेका थिए ।