तीन बर्षमा सक्ने केरुङ्गे खोलाको पुल, आठ वर्षमा नब्बे प्रतिशत मात्र काम

नवलपुर टुडे


नवलपुर, पुस २३ । नवलपुरको कावासोती नगरपालिकामा निर्माण भइरहेको केरुङ्गे खोलाको पुल आठ वर्षको अवधिमा पनि निर्माण सम्पन्न हुन सकेको छैन । कावासोती नगरपालिकाका वडा नम्बर ३, ४ र ५ लाई जोड्ने पुलको आठ वर्षमा ९० प्रतिशत काम सम्पन्न भएको हो ।
केरुङ्गे खोलाको पुल तीन वर्षमा सक्ने गरी २०७५ सालमा सुरु भएको पुल निर्माणको काम अहिले ९० प्रतिशत सकिएको कावासोती नगरपालिका–४ का वडाध्यक्ष नारायणप्रसाद लोहनीले बताउनुभयो ।
२०७७ साल असारसम्ममा निर्माण सम्पन्न गर्नुपर्नेमा सम्झौता भएपनि निर्माणको काम अलपत्र पारेर पटक पटक ठेकेदार सम्पर्कविहीन भएपछि निर्धारित समयमा पुल सम्पन्न हुन नसकेको हो । पुलको माथिल्लो भाग कालोपत्रे भएर आवतजावत गर्न मिल्ने भए पनि पुललाई जोड्ने दायाँबायाँ बाटो कालोपत्रे भएको छैन भने तटबन्ध निर्माण र ग्याबिन पर्खाल लगाउने काम पनि बाँकी छ ।
पुलको तटबन्ध निर्माण नहुँदा तटीय क्षेत्रमा डुबानको जोखिम रहेको भन्दै वडाध्यक्ष लोहनीले तत्काल निर्माणको काम थालनी गर्न ठेकेदार कम्पनीलाई आग्रह गर्नुभयो । पुल निर्माण नहुँदा बर्खाको समयमा विद्यार्थी, हुप्सेकोट र कावासोतीका व्यावसायिक किसानलाई सबैभन्दा बढी समस्या हुने गरेको छ ।

प्रेस स्वतन्त्रता र पत्रकारको श्रम अधिकारको माग गर्दै महासंघले गर्यो आन्दोलनको घोषणा

लुम्बिनीविरुद्ध सुदूरपश्चिमले प्रस्तुत गर्यो १०६ रनको सामान्य लक्ष्य

छठको मौलिकपनमा कमी आए पनि रौनक वृद्धि

मधेसमा नयाँ सरकार गठनका लागि दलहरूबिच छलफल तीव्र

जग्गाको कित्ताकाट खुलासँगै घरजग्गा कारोबार चलायमान हुने अपेक्षा
अरुपनि पढ्नुहोस
सबै
प्रसूति भएपछि घर फर्किएकी खीनाको स्वास्थ्यमा अचानक समस्या, हेलिकप्टरमार्फत उद्वार

पाँच युरोपेली देशले रुवान्डामा आप्रवासी निष्कासन केन्द्र खोल्ने

न्यूनतम ज्याला बढाउन बङ्गलादेशका गार्मेन्ट कामदारको प्रदर्शन

तातोपानी नाका नखुल्दा व्यवसायीको चिन्ता
















