कपिलवस्तुमा मोटरसाइकल ठोक्किँदा एक जनाको मृत्यु, एक जना गम्भीर

कपिलवस्तु । कपिलवस्तुको सुद्धोधन गाउँपालिका- ३ गाउँपालिकाको कार्यालय नजिकै दुई मोटरसाइकल आपसमा ठोक्किँदा एक जनाको घटनास्थलमै मृत्यु भएको छ, भने अर्को व्यक्ति गम्भीर घाइते भएका छन्।

लु ८३ प ७६९२ नम्बरको मोटरसाइकलका चालकको घटनास्थलमै मृत्यु भएको प्रहरीले जनाएको छ। मृतकको पहिचान खुल्न बाँकी छ । प्रहरीको अनुसार घाइतेलाई उपचारका लागि नजिकैको स्वास्थ्य संस्थामा लगिएको जानकारी दिएको छ।घटनाबारे थप अनुसन्धान भइरहेको प्रहरीले जनाएको छ।