खानेपानी र विद्युत व्यवस्था माग युवाहरु द्वारा बुढिनन्दामा तालाबन्दी

बाजुरा, असोज २२ । बाजुरा जिल्लाको पुर्वी क्षेत्रमा पर्ने बुढिनन्दा नगरपालिकामा युवाहरुले तालाबन्दी गरेका छन् । बुधवार दिउँसो युवाहरुले जनताको मागअनुसार काम गर्न नसकेको भन्दै नगरपालिकाको कार्यालयमा तालाबन्दी गरेका हुन् ।

युवाहरुले नगरपालिकाको कोल्टी बजारमा तत्काल खानेपानी र नियमित विद्युत सेवाको व्यवस्था गर्न माग गर्दै ताला लगाएका हुन् ।

त्यस्तै प्रहरीकाअनुसार नगरपालिकाले पालिकामा खानेपानी र विद्युतको व्यवस्था गर्न नसकेको भन्दै स्थानीय युवाहरुको समूहले ताला लगाएको जनाएको छ ।