जसले २९ मिनेटसम्म सास रोकेर नयाँ विश्व कीर्तिमान बनाए

काठमाडौँ । क्रोएसियाका फ्रिडाइभर भिटोमिर मारिचिचले ३ मिटर गहिरो पोखरीमा २९ मिनेट ३ सेकेन्डसम्म सास रोकेर नयाँ विश्व कीर्तिमान कायम गरेका छन्। उनले अघिल्लो रेकर्डलाई करिब ५ मिनेटले पछि पारेका हुन् ।

आफ्नो यो उपलब्धिपछि मारिचिचले भने, ‘शारीरिक रूपमा यो झन्–झन् गाह्रो हुँदै गयो, विशेष गरी मेरो डायफ्रामको सङ्कुचनका कारण। तर मानसिक रूपमा मैले हार मान्ने छैन भन्ने थाहा थियो। २० मिनेटपछि सबै कुरा सजिलो भयो, कम्तीमा मानसिक रूपमा ।’

मारिचिचको सफलतामा डायफ्रामिक श्वासप्रश्वास र कार्डियोभास्कुलर व्यायामका साथै मानसिक अनुशासनका लागि ध्यान पनि महत्त्वपूर्ण छ ।उनीहरूले डर र चिन्तालाई नियन्त्रणमा राख्नुपर्छ र अक्सिजन खपतको दर घटाउन मानसिक तथा शारीरिक गतिविधि कम गर्नुपर्छ ।