चुम्लिङटारमा बोलेरो दुर्घटना, २३ जना घाइते

मुग्लिन,भदौ २१। चितवनको चुम्लिङटारमा बोलेरो दुर्घटना हुँदा २३ जना घाइते भएका छन । इच्छाकामना गाउँपालिका–३ चुम्लिङटारबाट रुप्लाङतर्फ गइरहेको सामान बोक्ने लु.प्र. १–००१ च १४५५ नम्वरको बोलेरो शुक्रबार साँझ आफै अनियन्त्रित भएर दुर्घटनामा परेको हो ।

घाइते २१ जनाको चितवन मेडिकल कलेजमा उपचार भइरहेको इलाका प्रहरी कार्यालय मुग्लिनका प्रहरी निरीक्षक प्रतिक सिंहले जानकारी दिनुभयो । उहाँका अनुसार दुई जना उपचार पश्चात घर फर्किएका छन । यात्रुले ग्रामिण सडकमा सामान बोक्ने बोलेरो गाडीको पछाडि उभिएर यात्रा गरिरहेका थिए । गाडी सडकबाट १५ मिटर तल खसेको थियो ।

प्रहरीले चालकलाई नियन्त्रणमा लिएर दुर्घटनाको अनुसन्धान गरिरहेको जनाएको छ ।